Amata faatutu pou faailoilo

SHARE NOW

O lea ua faagsolo le lauina o pou faailoilo mo le makaina o le faasao I le gatafaile ma tuuina ai ma le laupapa faailoilo o tulafono ma fa’asalaga, aua le silafia e lē gata ile afio’aga a’o nu’u tuāoi.

O nei galuega lea sa faatautaia ma faamaeaina ai I l aso ananafi e ui I le louloua o le tau ae lei solomuli ai le afioaga o Moamoa I faleaasiu I le galulue fai faatasi ai ma le malo e tauala atu I le vaega o faigafaiva a le matagaluega o Faatoaga ma faaigafaiva MAF.

O lenei vaega fa’asao, e talitonu le afioaga oleā mafai ona sulufai ma faafaileleina ai i’a ma figota ese’ese o le gataifale, e pei o alualu, sea, gau, tuitui ma isi. O lea mafai foi ona fa’aolaina ai amu ma nisi atina’e e pei o le faisua i tulaga talafeagai i totonu o lenei vaega faailogaina.
O le malu puipuia o lenei atina’e faasao, e i le pule mamalu a ali’i ma faipule mo le famamaluina o tulafono ile Tusi Taiala

Lea sa tuuina I le afioaga ma aloaia ai loa I le aso 16 Aperilao le masina lea ua mavae atu le tusi taiala o le gataifale o moamoa faleasiu.

Na faaalia e le matagaluega o le mea muamua ia malamalama le afioaga I vaega uma nei ae e lei amata galuega o le faapipii ina o pou o le gataifale na latou faailoa ai o loo iai tulafono ma faasalaga auā le puipuia o gataifale, o le taiala o galuega fa’atino ale afioaga o Moamoa aemaise o galuega faatino a le Vaega o Faigafaiva.

Ma na taulima ina ai foi ma mea faigaluega mo le mata’itūina o le nofoaga fa’asao (scuba snorkel class, fins, diving boots) o nei mea faigaluega na tapenaina e le faletupe ole lalolagi (World Bank) e tauala mai ile Samoa Agriculture Fisheries Productivity and Marketing Project

O nisi o faafitauli sa aoina mai mo le fausiaina o le tusi Taiala, o lea ua mafai ona faatinoina ma olea galulue faatasi ai ma le malō ina ia foia le tele o faafitauli.

Faamalō le galulue, e lē mafai ona tali o tatou manaoga ina ia tele le taumafa sami pe a aunoa ma lo tatou galulue faatasi. (Moamoa Faleasiu)