O se taamilosaga ese lenei a Malisi Pasefika taitoa 7, ua atoa ai le 9 o kalapu lakapi i Samoa nei, ua mafai ona auai ai i Aukilani Niusila, pea faatusa atu i isi taamilosaga e faia i tausaga taitasi.
O le faamoemoe lea a Malisi e faia lava i tausaga uma i Samoa nei, ma sa faaigoa foi o le Malisi Samoa Seven, ao lea ua suia nei i le Malisi Pasefika Seven, ai ona o le toatele o au o le Pasefika e aofia ai ma au a Tonga ma Fiti.
Ae o le afiafi o le aso Lulu o le vaiso nei na tatalo aloai ai loa le faamoemoe ma se’i ai loa ma pulu o au taitasi, ma saunoa faapitoa iai le Minisita le afioga ia Laauli o le Malietoa Polataivao Fosi.
“E pele le lakapi i tagata Samoa, amata mai aoga, au faigaluega ua iloa foi le tautua a Malisi i totonu o Samoa”
O kalapu i Samoa nei e aofia ai SCP Apia Maroons, Pacific Freight Siumu, Vaimoso Rugby club Samoa, Marist Samoa, Laumua o Tumua Afega, Alalagafa Rugby club, BBE Vaiala Ulalei, Tama uli, ma le Uso Satalo.
E $18,000 le faailoga tupu e tuuina atu mo le kalapu e manumalo mai lea taamilosaga.
