E silia i le iva afe tagata na mafai ona malaga mai i le atunuu, i totonu o le masina faamauina o Aukuso, 2022.
Ina ua toe tatala ai alavaa ma tua’oi faavaomalo, mo tagata malaga asiasi mai i Samoa.
Ma faamauina ai e le ofisa o fainumera faamaumau a Samoa mo Aukuso, 2022 e 9,456 i latou na taunuu mai ma faamauina. Ae o le 6,318 o lena aofaiga o tagata asiasi mai Atunuu eseese.
O maitauina le aafiaga o aofai o tagata malaga mai, mo le masina o Aukuso 2013 ia Aukuso 2020, ma toe maitauina foi le isi aafaaiga o tagata taunuu mai i le taimi o le Covid 19 talu mai le amataga o le 2020.
I faamaumauga lava ia o tagata taunuu mai i Samoa mo le masina o Aukuso 2022, 3,020 oi latou o tamaitai m ale 2,954 o alii.
Ma o loo numera silia ai lava tagata malaga mai Niusila, 2,644, pito atu iai Ausetalia e 1,658 na malaga mai ai.
Amerika Samoa e na’o le 719, Amerika, e 386.
O le tele o tagata malaga mai e asiasi mai uo ma aiga, ae ole 27.6 pasene o tagata tafafao.
Peitai , o le 10.7 pasene o tagata taunuu mai i Samoa mo le masina lava lea o Aukuso 2022, mo malaga faapisinisi ma fonotaga, ma le 1.4 pasene o tagata na ui mai ile malaevaalele i Faleolo mo isi atunuu.
O le Air New Zealand na faamauina le tele o tagata na malaga mai ai, 3,403, sosoo atu iai le Fiji Airways, 2,502 pasese.
Quantas, 1,156 tagata na malaga mai ai, Ae o le Samoa Air ma le Talofa Air e 1,076 m ale 653.
O le umi lava na nonofo ai tagata tafafao mai, o le vaiaso i le 30 aso.
I faamaumauga lava ia a le ofisa o fuainumera poo faamaumaga mo le masina lava lea o Aukuso, o le tele o tagata asiasi mai, 4,311 sa nonofo ma latou aiga poo fale tumaoti, ae o le 1,613 sa nonofo i faletalimalo.
