12 Tesema 2024: E leo malolo pea galuega faatino a le Vaega o faiga faiva mai ile matagaluega o Faatoaga a Samoa, e ala I nisi o taumafaiga ini suiga i faiga faapisinisi faatatau i limu fuafua ma limu a’au mo Samoa.
E ala i galuega tau amata e unaia ai le toe tapu’e ma le fa’a-fa’atoagaina o limu fuafua ma limu a’au i Samoa, e pei ona iai se tasi o poloketi ua fa’aigoaina “Suiga i faiga.
E nisi o Atunuu mai ile Pasefika o loo auai I lenei poloketi e aofia ai ma Samoa e pei o Fiti ma Kiripati.
Ma o faatupeina uma lava lenei galuega e le Faalapotopotoga mai I Kanata e taua ole International Development Research Centre – Kanata.
O lenei polokalame sa amata i Upolu i le Aso Faraile, 29 Novema, a o Savai’i i le Aso Gafua, 2 Tesema, ma maua ai le avanoa e faasoa ai la tatou Matagaluega ma tautai o le limu mai le motu i Salafai aua o I latou tonu lea o loo galueaina le limu ma tuuina atu ile maketi i lo latou silafia ma le agavaa i lea foi atinae, ma unaia ai le fa’a-fa’atoagaina o limu ma le taula’i i nisi o suiga e aofia ai oloa ma taumafa e gaosi mai le limu o loo maua i Samoa ma unaia ai le itupa o Tina ma Tamaita’i o i latou e tele ina faagaioiina le maketiina o le limu.
Aua o lea ua amata gaosi taumafa ma oloa faatau I maketi ile limu o loo maua mai ile Sami e aofia ai nisi oloa (lotion, massage oils o taumafa fou (ice-cream, smoothies.
Ole Aso Lulu, 4 Tesema, sa fetufaa’i ma faasoa ai le Vaega o Faigafaiva ma le Iuvesite a le Sunshine Coasta i fuafuaga ma faatinoga o le poloketi mo le 2025–2027 aua o i latou lava ia o loo galulue faatasi I lenei lava poloketi lea e maua mai ile gataifale o le tatou atunuu.
Ole faafetai na fa’aalia ele Vaega o Faigafaiva, MAF, i le International Development Research Centre – Kanata, faapea ai ma le Ta’ita’i ole Polokalame, Dr. Mélanie Robertson, mo lo latou sao taua ua mafai ona faatupe ai lenei poloketi aemaise o le University mai Ausetalia ole Sunshine Coast, mo le latou lagolago tau tomai ma agavaa mo le aufaigaluega a le Vaega o Faigafaiva, ina ia mafai ai lava ona faatino galuega e tautua ai Samoa ma ona tagata.
