Ua faamaonia mai ai nei e le Pulega o taumafa poo oloa faatau atu i totonu o o Amerika ma ona Teritori , le faataga atu o le oloa a Samoa.
Le ano poo le tumeric ona faatau atu i totonu o le teritori ma ona setete , amata atu i le aso 27 o Setema 2022.
O le tumeric poo le ano lesi oloa sa aofia ile faatalanoaga ole Atoa o Samoa i Tutuila, lea ua faamalieina ona aiaiga uma mo le faatau atu i Amerika, ma ona teritori.
E lei leva ona toe taliu i Tutuila le aumalaga a le Pulega o faatoaga ale motu i Sasa’e, na malaga faapitoa mai e asia falegaosi oloa i Samoa ma ana oloa o fia faatau atu aemaise o oloa taumafa e aofia ai ma aano o manufasi.
Peita’i o loo auaua’i mai lava mataupu na faatalanoa i lea fono le Atoa o Samoa i Tutuila.
O faatalia foi se tali mai le afioga i le Minisita, Laaulialemalietoa Leuatea, faatatau i le tala fiafia ua faamaufaailoga ai le aso 27 o Setema 2022 i luga o tulafono o oloa taumafa a Samoa e iai le Ano poo le Tumeric, ua faataga ona faaulufale i Amerika ma ona teritori.