E 13 Ekalesia mai afioaga eseese ua filifilia nei mo pesepesega o le 13 Aso o le Kerisimasi.
Fa’atoa toe faia lea o pesepese ma viiviiga o le Kerisimasi talu mai le 2019 lea na tupunia uma ai auaunaga eseese pei o femalagaiga, faalapotopotoga toatetele, o taaloga ma tapuaiga ona o le sasao fa’a afi o le koviti19 i le lalolagi.
Ma le po ananei lea ua atofa e tatala aloaia ai e alii ma tamaitai Malu o le Malo pesepesega o le 13 Aso o le Kerisimasi ma faasalalau tu’usa’o atu e le Ala faasalalau a le TV1 Samoa, ona faasolo atu lea isi Ekalesia ua lautogia pei o le..
EFKS Gautavai Savaii, EFKS Saipipi, EFKS Fusi Safotulafai, EFKS Faala Palauli, EFKS Falelauniu, EFKS Tanoale’ia, EFKS Sataoa Safata, EFKS Vaitele uta, Metotisi Lefaga, Katoliko Lotofaga Aleipata, Faalapotopotoga Fale Samoa, ma pesepesega mai le aufaigaluega a le Ala faasalalau a le TV1.
O le itula 6 le afiafi ananei e amata ai pesepesega o le Kerisimasi i le malumalu tapuai a le EFKS Vaitele uta.