O le faaaloalo o le faiva tauave lea o tagata uma, o le fuaitau lea ua auga iai polokalame faagasolo a le Matagaluega o tina ma tamaitai mo le 16 Aso o le tetee atu o sauaga i totonu o Samoa, amata mai le aso 25 masina nei seia oo le aso 10 o Tesema.
O vaitaimi nei o le tausaga e faatino ai polokalame nei a le Matagaluega o tina, e le nao polokalame la e faatino ae ua iai foi a latou aoaoga e faasolo mo Upolu ma Savaii.
Taua e le sui mai le Matagaluega o Tina ma tamaitai e le na o faalauiloa ma polokalame e faatatau i le taofia o sauaga i tina ma tamaitai.
Ae ua iai foi le aso faapitoa e patino ma faamanatu faapitoa mo i latou e iai manaoga tumau o le soifua.
Peitai o aoaoga pei ona taua o lea faasolo i tua nuu ma afioaga o Savaii ma Upolu o lea mafai ona patino lea i matua talavou.
Ina iai se malamalamaaga iai laua i le faafoeina o le aiga, ae sili ai i lea o le sootaga ma fanau.
O le vaiaso nei e tuuina mai ai i luga o le upega tafailagi poo le itulau a Tina ma tamaitai nisi o a latou faalauiloa faatauvaga mo soo se tasi e mafai ona auai iai.
