Ua tamua ai le pulega o le ofisa o le malo tele o Meleke i Samoa, e faafiafia fanau sauaina o loo i lalo ole vaaiga a le Toomaga , SVSG i Tuana’imato.
Ina ua molimauina ai ananafi, taaloga faapitoa, ma suega fuamoa ole Eseta, a le silia ile 50 tamaiti mai le 4-18 tausaga le matutua ile lotoa ole malo o Amerika I Vailima.
E lua itula o le polokalame faapitoa o le Eseta, na faataatia ese ai galuega ale ofisa Amupasa, ma le aufaigaluega, ae faatino lana taligamalo, lea, ole faafiafiaina o fanau mai le SVSG I Tuana’imato.
Ole taimi muamua lea ua toe faatino ai e le ofisa o le Amupasa a Amerika lea agaifanua, talu ona uma atu le faamai tele ole Koviti.
O taaloga e talitali e, faatasi ai , faamalositino, faaafu, faamasani na tamua iai le itula muamua, ae taualuga ile sailiga fuamoa masani, ma le tausiga poo le faamalositino ole aoauli, o taumafa e iai vaiinu suamalie, ma le pani e tuu iai le sosisi ma le chilli, hot dog.
Na faafetaia ai e le sui ole malo o Amerika le galuega faapaaga ma le pulega o le SVSG, ma faapena foi ona faafetaia e lesi itu le amanaia atu o fanau a Samoa oi lalo ole vaaiga faapitoa i le Campus of Hope.
