E faato’a amata ai ile aso ona valaau mataupu tuua ma mataupu fou a le Matagaluega o Faamasinoga i Mulinuu, talu mai le tausaga ua tuana’i.
Pau galuega a le Faamasinoga sa faatino talu ona a’e galuega a le Malo o tapenaga o lona lotoifale.
O le aso foi lea e tatau ona amata aloaia ai lona Ofisa sili filifilia, le Susuga Papalii John Taimalelagi.
Ma o le tausaga foi lenei o le’a amata ai galuega a le faamasinoga i ona suiga fou o vaega e tolu ua faamaonia, mo le faamasinoga o fanua ma Suafa, o le Pulega o le faamasinoga ma le faavae.
O mataupu valaau i le aso, e faatulaga ai aso mo faamasinoga e aofia ai , Faipule e toatolu sa omai ile Palemene i lalo o le fu’a a le HRPP, ae ua savali ese e tusa ai ma a latou aia tatau, pei ona finau ai, ae ose manuia o latou itumalo.
Ua faatutoatasi ai nei ile Palemene. Pe’afai ae talia e le faamasinoga a latou mau, e ono leai ni a latou palota laiti, peita’i ole faaiuga o le faaauau ai o latou tofiga faipule ile maota, ma le tulafono, e fua i le faauigaina ma le faaiuga a le Faamasinoga , i le tulafono o faigapalota.
O isi mataupu o le’a valaau ai ile aso mo aso faatulagaina e faamasino ai, e le gata o galuega a le Faamasinoga Maualuga, ma le Faamasinoga Faaitumalo, ae e faapena foi i le Faamasinoga o Fanua ma Suafa, ma lona Peresetene, Le afioga a Lesatele Rapi Vaai.