Amatalia faamasinoga a Perkins Feagiai Taufao Headle

SHARE NOW

E ta ane le malologa lona lua a le faamasinoga faaitumalo ile aso Lulu 22 Mati 2023, ile potu mumera tolu, ua toalua molimau a le itu tagi ua faatauto, ile Tusi Paia e molimau ile mea moni. 

O molimau ole mataupu o loo molia ai faaletulafono e leoleo le Susuga a Perkins Feagiai Taufao Headle, o Amerika ma Faaala Palauli, o tuuaia  ini lafoga faaasolitulafono I luga o le FB, faasaga i taitai o le FAST. 

Na tamua ai le molimau a le Susuga a Laulu Pelepesite Ah See, a le itu tagi. Na ia faamatala o la’ua ma Perkin e facebook frined talu mai lava le 2015, peita’i e nate lei faamutaina le la fb friend ma Perkin Tauvao, ae na te leiloa tonu foi le taimi na muta ai. 

O lana tala e late talanoa lava ma Pekin aua ole latou nuu, e masani mai le latou nuui Savaii, a alu atu lava e faatau uma le faatau ma alu. Peita’i e lei vaai lava ia i mataupu ia e tuuaia ai Perkin i luga o le fb. Na ala ona ia iloa ina ua lafo mai e le fb page a le Tulisi Samoa na ia iloa ai.  

O le molimau lona lua a le itu a leoleo ole Susuga a Paialii Tapuala, o loo faigaluega i le TV a le EFKS.

Ma ia molimau, ai ile latou Malaga e tali valaaulia I Amerika, sa o uma ai ma Laauli ma lona faletua, faapena foi ia ma lona to’alua ma le la tama I lo latou valaaulia. 

 Peita’i na ui mai le vaa i Fiti ma malolo pe a ma le tolu itula o malolo latou I Fiti. Ae faafeiloai atu ai ia e le tamaitai ma faamatala atu o ia o Perkin, ae o lona tuagane sa la Malaga mai foi Amerika. Molimau Paialii, na talu sa’o atu lava e Perkin iate ia i lena talanoaga, o ia ole tagata e sili ona taufaifai mai i lana polokame. O Paialii, e faatautia le plokalame o le Soalepule I luga o le EFKS tv.  

Na taua e foi e Paialii, e talanoa ane faapena le tamaitai lea, ae lei alu iai sona ulu poo lona mafaufau. Ma na ta’u ane foi e le tamaitai, e manatu e loka ia pe’a oo mai I Samoa. 

Ole la talanoaga lea na faia I le nofoaga malolo ile malaevaalele I Fiti. Ma sa molimanao ane foi e pule se latou ata, ma faapena ai lava ona pu’e le latou ata ma lona to’alua ma le la tama.  Ole ata I le molimau a Paialii sa pu’e e le tuagane o Perkins na la Malaga mai. 

Peita’i ile faamasinoga, na faalava le loia a Perkins, ina ua oo le faamatalaga a Paialii ile taimi na fai ane ai le tala a Perkin ia te ia, Manatu e loka ia pe’a oo mai i Samoa. 

Na faalavea e Faimalomatumua Mathew Lemisio le molimau a Paialii, ae ua taatia foi le ata I luma o le loia a Paialii le Susuga a Leinafo Taimalelagi Strickland. 

O iina na toe faia ai lesi malologa ole mataupu lenei, ina ua fesiligia foi e le faamasino, poo ai na pu’e ina le ata, ae tali Paialii, o le tuagane o Perkins.

E manatu Lemisio o tula’I mo Perkins e tele lava auala e mafai ai ona faatogafiti le faiga o le ata lea e sesi tagata ma tuu I luga ose fake page.. Peita’i o iina na toe faia ai lesi malologa lona lua ole matupu ae fautuina le Loia a Leoleo, e faatalanoa ile latou va ma le loia a le itu tetee, le mataupu lea i ata, ma toe foi atu ile ta o le lua ile aoauli..

E tolu aso o loo atofa iai le faamasinoga lenei, e valaau ai molimau a le itu tagi, ma molimau a le itu tetee, faasaga I moliaga e 25 a leoleo .