Na taunuu ai i laufanua o Amerika Samoa le Palemia o Samoa le afioga ia Fiame Naomi Mataafa ma nisi o Minisita e atoa iai le toa 30 o le au usufono a Samoa o loo taitaia lea e le Palemia.
O minisita e afioa ai le afioga le Minisitā o le Matāgaluega o Tupe iā Mulipola Anarosa ‘Ale – Molio’o, le afioga iā Valasi Luapitoifanua To’ogamaga Tafito Selesele o le Minisitā o le Matāgaluega o le Soifua Mālōlōina, le afioga iā Leatinu’u Wayne So’oialo o le Minisitā o le Matāgaluega o Pisinisi, Ālamanuia ma Leipa, ai le afioga iā La’auli Leuatea Polāta’ivao Schmidt o le Minisitā o le Matāgaluega o Fa’ato’aga ma Faigāfaiva, ma le afioga iā ‘Olo Afoa Fiti Va’ai o le Minisitā o le Matāgaluega o Galuega Tetele, Fela’uā’iga ma Atina’e ‘Ese’ese Ma Ofisa Sili o nisi o Matagaluega ma Faalapotopotoga a le Malo.
Ae na amata aloaia ile aso le fonotaga a le Atoa o Samoa lea e faalua ona faia ile tausaga ma o le uluai fonotaga lea a malo e lua o lenei tausaga.
O le fonotaga lea a Taitai o Malo e lua o Samoa ma Amerika Samoa, o le a soālaupule ai taunu’uga o matā’upu sa fa’ai’ugāfono i fonotaga e lua o le tausaga 2022.
Ae le gata i lea o nisi o matā’upu mo le faamausali ma maua’a ai pea le so’otaga vāvālalata o Samoa e lua.
Ma o le fonotaga e lua a’i ai fonotaga o le tausaga lenei olea faia mai lea i Samoa. Peitai na muai asia e le tamaitai Palemia ma le aumalaga le fale ‘ia o le StratKist lea e silia ma le 1400 alo ma fanau Samoa oloo galulue ma faigaluega ai.
