Ao ole Malo: “e talanoa iai le kapeneta i le vaiaso nei.”

SHARE NOW

Ua nofo faalologo ai nei le atunuu ise tofiga a le faigamalo a le FAST o se faaao ole tatou malo, mo lesi lima tausaga o lumana’i.

Ole tofiga Ao ole malo ile 10 tausaga ua tuanai, o le afioga a Tuimalealiifano Vaaleto’a Sualauvi ll.
Sa totofi iai e le faigamalo a le HRPP ina ua uma nofoaiga e lua tai lima tausaga sosoo a le afioga i le Tui ATua Tupua TAmasese Efi.

E le’o mautinoa ai ile taimi nei pe ose faiga faavae lea o le’a mulimulita’ia e le faigamalo fou. O le faasee ese o le tofiga ao ole malo ile uma ane ai o nofoaiga tai lima tausaga sosoo e lua.

Pei foi ona maitauina le maea ai nei o nofoaiga tai lima tausaga sosoo e lua  a le afioga ia Tuimalealiifano.
Ole mataupu lena o le ‘a fono ai le Kapeneta i le aso, Gafua, pei ona tali mai ai le tasi o Minisita sinia ina ua tatou fesiligia ile faaiuga o le vaiaso.

Ole lona fa a’i lea o faaao ole malo  o Samoa talu ona tutoatasi, pei ona see lua mai ai ulu’ai faaao, ile 1962, Afioga Tupua Tamasese Meaole, ma le Susuga ile Malietoa Tanumalfili ll. Peita’i na maliu le afioga Tupua Tamasese i le 1963 ae faaauau mai e le Susuga i le Malietoa Tanumalfili ll lo la sa se ia tuua le malo ile 2007 ile 94 o tausaga o lona soifua.

Ma faamuta ai i lena taimi ona toe tuuoti tofiga Ao o le malo fua i le soifua laulelei atoatoa, ae amata loa ona faapalota ele faigamalo talu ai HRPP ma sosoo atu iai lesi tama a aiga, afioga i le Tuiatua, sui tulaga atu iai le afioga a Tuimalealiifano.

Ole vaiaso nei ole’a iloa ai se o le’a a tauavea le tofiga ao o le malo o Samoa mo lesi lima tausaga.