Na fa’atinoina se tasi o aʻoaʻoga muamua mo faifaʻatoʻaga i lalo o le Vaega lona 6 o le polokeki fesoasoani a le malo o Saina mo atinae tau fa’ato’aga mo Samoa (SCATAP) e fa’apitoa lea mo atina’e Meaituaolo, Atina’e Moa ma le fa’atinoina o poloka meaai mo le tapenaina o meaai mo nei atina’e e lua I lona nofoaga autu I Nuu.
O lenei aʻoaʻoga o le amataga lea o se paaga tumau i le va o le ʻAu Faapitoa mai Saina(Team Expert) ma faifaʻatoʻaga, e fesoasoani e faʻaleleia a latou faiga faʻatoʻaga.
E tolu vaega na vaevaeina ai ma o autu nei sa tagai iai le faasoa faapitoa mo le au faifaatoaga.
- Metotia saʻo o le fafagaina ma le tausiaina o puaa fafine mo le fa’atuputeleinao le lafu.
- Folasaga i le faatekonolosi faapitoa (AI) mo le faateleina o puaa
- Fausiaina ma le puleaina o le biogas mo le faaaogaina gafataulimaina o le malosi e maua ai le kesi(gas) e gaosiina ai meaai o atinae puaa.
O sini autu o le faaleleia atili o le tatou faifaʻatoʻaga aua le manuia lautele o Samoa mo le lumanai.
O se aʻoaʻoga na tele se sao taua na mafai e faifaatoaga na maua ai le malamalamaaga ma le taua o le faatinoina tatauina o nei atinae ma le fuafuaina o poloka o laau toto e fesoasoani mo meaai a manu, ma o se amataga lelei tele lea mo le amataga o le galulue vavalalata ai o faifaatoaga ma le team faapitoa mai Saina(Team Expert), o loo ofoina mai le tomai mo le faatinoina o tatou atinae.
O lenei aoaoga na maua ai foʻi e faifaʻatoʻaga le avanoa e faia ai faataitaiga i le tausiga masani o meatuaolo, ma tagatagai I poloka o laau toto o loo aoina ma gaosiina ai meaai mo nei atina’e.
| ReplyReply allForward |
