Ua faaopopo ai nei le gagana Samoa i mataupu aoaoina i le Standford University, O lesi lea o Iunivesite ua lauiloa i le lalolagi i ana suesuega fai ma ana aoaoga. O lea taunuuga, ose taumafaiga a tamaiti aoga Samoa a le Standford University, o Ari Patu ma Brandy Atuatasi, na faamautinoa e pasia lea mataupu.
I luga o le itulau o fesootaiga televave a le Aoga, o ta’ua ai o le manaoga ia iloa tautala, tusitusi, faitau ma le agavaa e faalogo ai ile Gagana Samoa.
Ia mafai ona faaaoga le gagana Samoa e fesootai ai, ma ia mafai ona faasoa i le gagana. O le aganuu lesi vaega o le gagana o loo ave iai le faataua. O le vaega mulimuli lava lena e atoa iai vaega mana’omia o le gagana. I luga o le Website a le aoga, o faailoa mai ai, o faiaoga o le Gagana e aofia ai Chris Young ma lona alo ia Taliilagi Young.
O loo agia foi i luga o le itulau a le a’oga le faamalo na ave ia Ari Patu ma Brandy Atuatasi ma le la taumafaiga i le faaaofia ai o le Gagana Samoa i aoaoga a le Standford University.
Na talanoa ai Atuatasi: “ose mitamitaga le taumafai siitia le tulaga o le tatou agaifanua ma le tatou gagana, ma soo se isi lava e fia tautala ile Gagana Samoa ma faataitai ile aganuu, e tatau lava ona iloa faatino.
Peita’i o le mafai ona oo iai, ma faalauiloa e taua tele. Ua ose mitamitaga foi i tagata o le vasega, lea laasaga i le gagana Samoa i o latou taimi.
O le auga lava ona o le alofa i le aganuu ma ona tagata, ma ole avanoa ua amana’ia ai ile Iunivesite, ose faamanuiaga.
