A’oa’oina faiaoga i tomai fa’a- laofali

SHARE NOW

O amataga o kuata faalea’oa’oaga i tausaga taitasi, e amata faagasolo ai taamilosaga lakapi taitoa 15 a Sone taitasi, ma o le mafuaga foi lea o le faagasolo ai o a’oa’oga faa laofali a faiaoga mai aoga taitasi a Savaii i le vaiaso nei o loo faatautaia e le Lakapi Samoa i Don Bosco Savaii.

O taaloga o le isi lea vaega ei lalo o aoaoga a fanau i Kolisi ma aoga tulaga lua i faia i tausaga taitasi.

Ma e faamalosia le auai uma o alo ma fanau o aoga i le uluai taamilosaga e iloa tonu ai alo ma fanau o loo iai le taleni o le taaloga lakapi, netipolo ma le pa’i ona piki loa lea mo taaloga faitaulia e tuu faatasi ai Upolu ma Savaii.

E ese mai taaloga na i taaloga o le Afeleki lea e tele ina mataina ai taumafaiga a nisi o alo ma fanau ma break ai e nisi o fanau aoga records maualuluga a tama ma teine taaalo tuai.

Ae o le fesoasoani o le Lakapi Samoa i le aoaoina o le tomai faalaofali i faiaoga o Kolisi eseese i Savaii, ina ia mafai ai ei latou ona faafoe taaloga a latou lava sone taitasi.