A’o’oga leoleo i tomai faa fesoasoani muamua

SHARE NOW

Ua faamautu ai nei e le Komesina fou Auapaau Logoitino Filipo ole Matagaluega o Leoleo ma Falepuipui tapenaga alualu mamao ae o le saogalemu o latou galuega faatino, e le gata o le aufaigaluega ae o le atunuu lautele.

Ina ua faaaupegaina ai nei leoleo e toalima I tomai faa Fesoasoani muamua, e avea ma faatonu I galuega fesoasoani muamua.

O aoaoga a leoleo ia e lima sa faia e le Sosaiete a le Koluse Mumu ma lagolagoina e le Failautusi aoao ole Red Cross, Namulauulu Tautala Mauala, ma le faapaaga ma leoleo a le malo o Ausetalia I Samoa.

Ma saunoa ai le Komesina , Auapaau ile taua ole tiute oi latou nei mo lesi lua tausaga o lumanai, o le ‘a feagai ai ma le aoaoina lea o leoleo ia avea oni faatonu I le lumana’i ma faaauau ai lava le auaunaga I totonu o le Matagaluega o leoleo ma Falepuipui.

Ua savali ai nei ile tolu vaiaso talu ona galulue le toalima lenei , ma avatu foi iai le faamalosi’au a le Komesina, I le mitamitaga ole pulega ua mafai ei latou ia ona siitia le tulaga ua iai a latou tautua ile matagaluega.

Ole faamoemoega maualuga pei ona saunoa le KOmesina, ia faaaoga le silafia ole toalima lea e latou te faasafua atu atu tomai ua maua mai mo isi leoleo, I le agavaa faafesoasoani muamua. E le gata ina penefiti ai leoleo ae faapena foi I le atunuu.

Talu ai le utiuti o le faasoa I tupe a le Matagaluega, I tausaga ua mavae, sa fua ai foi iai le aofai o tagata e aooga ile RED Cross.

Saunoa Auapaau, o le agaga o le Matagaluega, ia siitia le tulaga o le auaunaga I le atunuu lautele, aemaise lava I tomai lea tau fesoasoani muamua.

 Ia muamua lava ona avatu e leoleo le fesoasoani muamua I le taimi lava o loo fia maua ai, I souse faalavelave tupu fafuasei I Samoa e mana’omia ai. Faafetaia ai e Auapaau le AFP Australia Federal Police ile faapaaga, ma le faatupega o le faamoemoe, e tusa ma le 150afe tala.

O le tupe lea o le’a faatino ai aoaoga mo nisi leoleo e 900, e aofia ai ma latou tusipasi e aloaia faavaomalo tai lua tausaga. Ae ua avatu foi iai ma meafaigaluega e fai ai toleniga, o toniga a faiaoga, o tusi faamatala o le galuega.

Saunoa Auapaau, e leai ni nei aoaoga faapitoa, pe’ana leai le fesoasoani mai a Leoleo Ausetalia. Ua fesoasoani tele I fuafuaga fai a leoleo Samoa.