Apili e Afega poloaiga a le faamasinoga maualuga, ile mataupu ma Leauvaa.

SHARE NOW

Ua folafola le faaulu ai o le talosaga apili a alii ma faipule o le afioaga o Afega, faasaga ile faaiuga ale faamasinoga ile faaiuga  ole vaiaso talu ai, faatatau i fanua faaleaganuu e ana ia e Afega, o loo nonofo ai tagata Leauvaa.

O le itu talosaga, afioga a Sala Fili Lauano ma isi o Leauvaa mo alii ma faipule o Leauvaa,

Faasaga ile itu tali muamua:   Peretene o le LTC ma le faamasinoga 1st o le LTC ma le faamasinoga maualuga o le LTC

Itu tali 2nd: Maulolo Tavita Amosa ma isi matai o AFega mo alii ma faipule o Afega.

O lea mataupu sa faafoeina e Faamasino e aofia ai le: faamasino sili Chief Justice Perese, Justice Tuatagaloa, ma Justice Sir William Young.

O loia Finlay KC ma J Stowers mo le itu talosaga,

  1. J. Fong ma V.Leilua mo le itutali 1st, Peresetene ma le Faamasinoga o Fanua ma Suafa

P Lithgow , P. Chang ma T.Toailoa mo le itutali lona 2nd, a Maulolo Tavita Amosa ma isi,

Ma S Ainuu mo le Samoa Law Society.

O le faamasinoga na faia I le aso 19 o Seteme 2024, ae faatoa lau le iuga I le aso 11 Oketopa 2024.

Ole faaiuga e 23 itulau: ua poloaia ai e le faaaiuga a faamasino o ta’ua I luga, le taofia ona faataunuu o le faaiuga a le LTC I le 2018, ma le faaiuga a le LTC High Court o le 24 March 2023, ma le faaiuga a le LTC ole 8 Mati 2024.

Ona o loo faatali le Faamasinoga toe Iloilo a le LTC, mo lana faaiuga I le talosaga apili a Leauvaa.

Ua poloaia foi le itu tali lona lua, a Maulolo mai le toe faia o se isi laasaga e aveesea ai tagata o loo nonofo I luga o fanua e aofia ai le lot 29 ma le 30 , ma e tumau lava na poloaiga vagana ua iai se poloaiga faatula’I e oo atu ile faamasinoga Faaitumalo ma le Faamasinoga maualuga.

O taualumaga o lea matapu, e toe valaau ai I luma o le faamasinoga ile taimi faatulagaina mo lesi laasaga I mataupu uma e le’o iai sona taunuuga.

Peita’i o taua e le loia mo le itu a le afioaga a Afega, Precious Chang: Ole faaiuga mai le LTC o loo latou faaauau lava ona lagolagoina le pule  a Afega I fanua o faamasinoina nei.

Ae o le mataupu lea I le Faamasinoga Maualuga, e faatatau I le poloaiga mai le Faamasinoga o Fanua ma suafa, e aveese ai tagata.

Na manino lava le tali a le loia a Leauvaa, o le fanua e ana ia e Afega .

Ma e le’i manino foi sana tali i itu faaletulafono ole latou aia e nofoia ai eleele o finauina.

Ma ua manatu ai Afega o loo iai le lape o le faamasinoga ile faaiuga, talu , o loo faatali pea ise taimi e valaau ai le talosaga apili a Leauvaa, ona faapea ole aia tatau foi lena a Leauvaa, ae o loo faatalia pea le taimi e fausia ai lena faamasinoga Apili a le LTC.