Asia e le Mafutaga a le Ekalesia Aso Fitu Salelavalu Tina ma Tama matutua

SHARE NOW

E 32 aiga oloo iai tama ma tina matutua ae o i latou foi o loo iai manaoga tumau o le soifua i totonu o le afioaga o Salelavalu.

Na filifili le mafutaga a tina a le Ekalesia Aso fitu i Salelavalu e asia ma momoli iai meaalofa poo hampers oloo iai totonu mea taumafa eseese pei o  pepa susu, polesi, pepa masi,  ma  nisi vaega e aoga mo le faletaele tulou.

Na taua e le sui taitai o le mafutag a tina ina ua ratou fesiligia le susuga ia Luisa Nagaseu Ioasa, o lenei asiasiga na autasi uma ia le mafutaga a tina ma o le faamoemoe autu lava  ia aapa ma fesoasoani atu le mafutaga. 

E tusa ma le uiga o le igoa o le mafutaga a tina a le Ekalesia Aso Fitu o le Toreka o lona uiga o le aapa atu ma fesoasoani i se o puapuagatia ma manaomia le fesoasoani. Peitai saunoa le taitai o le mafutaga atina le susuga ia Faatasiga Mulu Vevesi “na tutulu nisi o tina ma tama matutua o le afioaga ina ua faateia le afea ma asia latou e lei mafaufauina”.

“Ma e leo faapito foi le galuega a le mafutaga e na o tagata aso fitu o loo lauga tutusa uma tagata ile latou asiasiga.

Na taua e le sui taitai na auai le susuga ile faafeagaiga le susuga ia Tavita, ma o ia na taitaia le asiasiga lenei ma e tomua lava ile tatalo ma sina upu faamalosi au mai le tusi Paia, ona faatoa tuuina atu lea o meaaalofa ua latou tapenaina.