2 Tesema, 2024 Samoa: I le galulue Faipaaga ai pea ole Matagaluega o Faatoaga ma Faigafaiva ma Iunivesite mai fafo o se tasi o manulauti tauave ale Matagaluega o loo ave pea iai le faataua ma le faamamafa mo le si’itia o Atina’e tau faatoaga e ala lea ile faasoaina o tomai ma agava’a.
O le aso 26 Novema sa asia ai ele Iunivesite a Monash mai Ausetalia le Vaega o La’au Toto faapea fo’I ma le SCATAP.
O se avanoa lelei lenei ua mafai ai ona faasoa atu ai le tomai ma le taua o faatoaga I Samoa ele gata ile itu tau tamaoaiga a’o le taua o laa’u e pei ole Koko ma Talo ile tatou aganu’u. Sa mafai ona asia le faamiliga Talo e faaaogaina ai I’o talo ma fale laa’u e faamiliina ai I totonu. O lenei faamiliga Talo o loo faatupeina ele PHAMA PLUS mai Ausetalia.
Sa mafai fo’I ona asiasia le anoanoa’I o faamiliga o laa’u eseese o loo I Nu’u, e aofia ai faamiliga o Koko, Fualaa’uaina faisua(kapisi, tamato, kukama, pi, isalaelu ) faapea ai ma le Niu.
O lenei asiasiga ua saga faamausaliina ai le faiga paaga a le Matagaluega o Faatoaga ma Faigafaiva ma le Iunivesite mai Monash I Ausetalia
