O lea ua amata ona faamae’aina taamilosaga ole kirikiti faasamoa lea oloo faia lea ile malae i fagaa i Faleula ma ose tala fiafia ile tapuaiga ole atunuu lea aso ma lona faamoemoe lea olea faamae’aina uma ai lava taaloga ole aso, ae ole aso a taeao lea e faatino ai le laugatogi ile afa tonu lea ole 7 ile taeao ile malae lava i Foga’a.
O lea na maua le avanoa a tatou talafou ma le afioga foi ia Tapusoa Faafia aua faasalalauga tu’usa’o ole final poo sueina lea ole tulaga tolu, tulaga lua, faapea ai lea ma le tulaga muamua ole taamilosaga Kirikiti o lenei foi tausaga.
Na ia faailoa foi i Tala fou ile taeao nei, ile mae’a ai o lenei taamilosaga ua faamauina ai e le asosi kirikiti faasamoa a le atunuu le toetele lea o nisi o au ua amata talosaga atu mo se latou avanoa mo le teuila ole tausaga fou, lea e aofia ai au mai le Iunaite Setete o Amerika, Melepone, Ausetalia atoa ai ma Niu Sila.
Ole augani ai ole asosi o taaloga kirikiti ia mafai lea ona toe faamaupopo ma faamautu lelei pei ona masani ai lenei faagatama a Samoa lea ua leva e lei toe faatinoina i totonu ole atunuu.
