Ua le masino le tele o aiga o loo iai faanoanoaga i lenei aso Sa faamanatuina o Tama 2022 i Samoa.
Ae ole agia ai o le faalototele mai lana Afioga i le Tamaitai Palemia o Samoa, ma ana faamanuiaga i Tama uma o Samoa, ua avea lena ose faasiligamalosi i lagona o aiga, tina ma fanau, ae o auaiga, e sootaga i tama ua latou le aulia mai lenei Aso Sa faitaulia, 2022, faasino tonu i Tama o Samoa.
E iai Ekalesia ua le tutusa foi le Aso Sa lava lenei o tama, ina ua amia le Tama o le Galuega, ae ua toe o nai aso aulia mai lo latou Aso Sa faapitoa.
Pei ole Ekalesia Faapotopotoga Kerisiano Samoa i Nofoalii.
E faapenei ile Aso Sa ole vaiaso talu ai, o loo taufa’i sii tatalo ma anapopogi aiga ole Faafeagaiga , Rev Tupou Situfu Tanielu e talosia lona faatafagasegase, ia aulia mai le Aso Sa lenei o Tama ma ia toe faafoi lona soifua maloloina.
Ae ua le tusa ai lava ma lona malosi ma maliu ai i le aiga o lona tama, late Rev Situfu Tanielu, i Lelata ile Aso Sa talu ai.
“Ua toe tu atoa mai lava i o’u luma foliga o Tupou ile Aso Sa talu ai a’o tigaina.” O le melotagi lea o lona tina, (tuafafine o lona tama) Faumuina Sofaea i le laulau a’o sauni e fai le taumafataga ole taeao, ole Aso Sa o Tama.
Ua le tutusa lava le Aso Sa, e leai se isi na alu i le lotu, ua na’o le nonofo lava i le fale ma fai ai le talosaga e talosia ai le malaga a Tupou. Ole taeao lona fitu lenei talu ona ta’oto ane ai ile falemaliu o Pa’u Sefo i Motootua.
E talia i le taimi mo lona toe sauniga, e faia i le nuu sa faanofo ai ma lona faletua ia Lyn , o Nofoalii.
Na aami atu Rev Tupou Situfu Tanielu ele Ekalesia i Nofoalii, e sui tulaga ina ua Penisiona Malolo Manumalo lona tua’a, Rev Situfu Tanielu.
Ua tatala e le oti le feagaiga, ma leai ai se faafegaiga ale EFKS a Nofoalii i le Aso sa o Tama 2022.
O le Sa o tama i Samoa, sa leai sona Aso malolo, pei o isi aso faapitoa, e aofia ai le Aso Sa o Tamaiti, Aso Sa o Tina, peita’i, ole tausaga e 2005 na amata ai ona faamamalu le Aso Gafua e sosoo ma le Aso Sa o Tama, ma aso Malolo.
O Aso Sa na e alu ai galuega a aiga, i fanua maliu o Tama, e faamama ma toe vali ma manatua ai pea o latou sao i aiga ma nuu ae o ekalesia.
I faamanuiaga o le Aso Sa o Tama 2022, o saunoa ai le Afioga i le Palemia, Fiame Naomi Mataafa: E “faafetaia ai le Atua i le sao, o Tama, i soo se auaunaga i lenei lalolagi
Ae o lona “Agaga fiafia ma le loto faagaeetia, e faamanuia atu ai lo tou aso faapitoa 2022”
Ae o lona “Agaga fiafia ma le loto faagaeetia, e faamanuia atu ai lo tou aso faapitoa 2022”
