O se Aso Sa o tama faanoanoa ma le faigata lenei i le tausi ia Petesa Olo Tautulei ina ua atoa ai nei le lua o aso o le sailiga a leoleo ma tupulaga o Pu’apu’a e lei maua lava lona tino ae na o le tao fagota ua maua.
Na toe fesootai atu le tatou Ofisa Faasalalau nei le Leitio Polenisia mo se faaopopoga ae faailoa mai ai e le susuga ia Wesley e faamuta ai i le aso sailiga a leoleo ma le afioaga.
Peitai o le po anapo na foi ane ai i uta i le itula e 8 ile po ma le tao fagota sa faaoga e le tofa ia Olo Tautulei poo le tama o loo tau sailia nei.
Taua e le tatou paaga o loo taumafai lava tupulaga o matai faiupu o le afioaga o Puapua e faatino le fesoasaoni e gata ai so latou mafai e ala ile toe usuai ai ile aso atoa lenei, talu o loo vaia pea le mafatia o le tina ia Petesa ma le fanau ona o le faaletonu ua tulai mai.
O le aso ananafi le aso Tofi 10 o Aukuso lea na tulai mai ai le faalavelave o taua i luga, ina ua maua e le afioaga le le toe foi ane o le tofa ia Olo Tautulei mai lona faiva sa alu.
E toe tasi le aso atoa ona aulia lea e tama uma o le aso Sa e faasino tonu ia tei latou, ma e avatu ai faamaisega a le leitio polenisia i le tina ia Petesa ma le fanau.
Ae i se faaopopoga o lenei faalavelave i se taimi oi luma.
