Ataata o tauleleia mo le itumalo o Lepa

SHARE NOW

Ua amata ona faaaoga le miliona tala lona lua a isi itumalo, ae o lea faatoa faamatuu le vaega tupe lona lua o le miliona muamua a le itumalo o Lepa.

Ile amataga mai lava o lenei poloketi sa molimauina , e le’i mulimulita’ia e le faipule ole itumalo, Tuilaepa Sailele Malielegaoi, o le taitaifono ole Komiti faaitumalo aiaiga ma tuutuuga ole, vaega tupe na faamatuu muamua.

Peita’i o le mafuaaga lena ole faatuai ai ona faamatuu toega o le miliona muamua a Lepa, ona sa talitali le Komiti faatonu o le Poloketi Miliona , ile faamatalaga ole faaaogaina ole latou vaega tupe muamua lea na faamatuu iai, le $200afe tala.

Ole tupe lena sa molimauina mai le vaevae i pitonuu ole itumalo, ma le faamoemoe , e faasolosolo iai le faiga o a latou fono.
Peita’i na molimauina , ua faamautu lava lo latou ofisa i totonu o le lotoa a le Ekalesia EFKS.

O le lotoa e iai totonu le Hall ma isi maota e tolu.  O le maota e mapu iai tagata i taimi o faalavelve faafuase’i, ole maota nofo ole faafeagaiga, ma lesi maota i autafa sa faaaoga e le faafeagaiga. Ole maota lena ua toe faafo’i ane e fai ai le ofisa o le Miliona a Lepa.

Ole sui taitaifono o le komiti ale itumalo o Lepa,, Auelua Samuelu Enari, na ia sainia le maliega ma le Matagaluega o Tina ma tamaitai, ile faaiuga ole vaiaso talu ai, ole vaega tupe lona lua, le $150afe tala.

Ma molimauina e le Minisita o le Matagaleuga o Tina ma tamaitai, male Minisita ole Matagaluega o Tupe, Lautimuia Uelese Vaai.

Na maitauina e le komiti faatonu, le toso ole faataliga ole faasoasoaina ole $200afe na ave muamua ia Lepa, ma tuai ai lava ona maua e aiga faamanuiaga ole miliona tala.

Ae ua amata le faalua a isi itumalo, ma feoa’i i pasi, ua fafai ma’umaga sa faatau mai tupe ole miliona muamua, ua toso uili paelo le tele o aiga, ma laumama o latou siosiomaga, ua toso papovi, ma fai lo’ilo’i, ua toe ina matua ma toe faatau ma’umaga o isi itumalo pei o Faleata lua, na tufa fua iai ta’i fia selau tiapula a aiga, ma meafaigaluega e atina’e ai aiga. Ma ua tofutofusia ai itumalo uma e 50.

Peita’i ,  ole vaega tupe lona lua a Lepa lea ua avatu iai, $150afe e totogi ai tagata ole’a galulue e sootaga ile poloketi atinae, ole miliona.

Ona toe faatalitali foi lea o le Komiti faatonu, ise tala ole tupe lea, faato’a faamatuu ane loa iai isi vaega tupe e sosoo ai.
Ole manulautia ale malo o iai nei, FAST, ia faamuamua tagata, e ana le malo.

Pei ona saunoa Mulipola i luga o le Talamua, “e tele fesili e mana’omia ni tali, ae ua fai le faiuga ale Komiti faatonu e faamatuu le vaega tupe muamua, e amata ai le Polokalame atina’e a le itumalo, ae faaauau lava ona faia suesuega a le matagaleuga o Tupe, ile faaaogaina ole vaega tupe muamua na ave iai.”