Ua faailoga ai le atoaga ole 30 tausaga ole faapaaga a Samoa ma le malo o Agentina, i le faatautoga o lana Amupasa fou mo Samoa ile Vaiaso nei.
O le sauniga faapitoa e aloaia ai le tauaaoina mai o tusi tofiga ole Amupasa, Afioga a Mrs Maria Belen Bogado, na faia lea ile Ofisa o le Ao ole Malo Tutoatasi o Samoa, ma talia aloaia ai e lana Afioga, Tuimalealiifano Vaaletoa Sualauvi ll.
O le sui o le malo o Argentina mo Samoa o loo faamautu ai i Ueligitone Niusila.
Ae i faamaumauga o lenei faapaaga, na amata mai I le tausaga e 1993, ma oo mai ai ile taimi nei, ae o loo sologa filemu lava le va nonofo ai, ae ole sootaga i malo aufaatasi, poo le United Nation.
Aemaise o itu tau atinae mana’omia o malo e lua i tulaga tau puipuiga o le filemu ae o le saogalemu, ma le faataua o loo avae lea I le faaititia o aafiaga mai suiga o le tau, ona o se tasi lea o mataupu tuga ma ogaoga ia Samoa ae o isi atumotu tau atinae.
O le tamaitai Amupasa ua faaipoipo, e toalua ona alo.
