E tai tolu tausaga ma usuia le fonotaga a sui eseese mai le vasa Pasefika o loo i totonu o Matagaluega o aoga, latou te faatonutonuina fua faatatau mo suega a fanau i aoga.
Na auai atu iai le Ofisa Sili o le Matagaluega o agoa, taaloga, ma aganuu le afioga ia Aeau Christopher Hazeman ma nisi o sui o lana Matagaluega i Fiti mo le vaiaso e tasi ua mavae.
O lea fonotaga na faaigoaina o le Pacific Island Literacy and Numeracy Assessment, e aofia i le fonotaga le iloiloina o suiga i vaega tau faitautusi ma le matematekia mo le vasega 4 ma le 6.
O lea faatasiga na lauliliu ai faamaumauga mai i le tolu tausaga ua tuanai ma faatusatusa ai maka e ausia e fanau aoga mai i atunuu taitasi o le nei itulagi.
Ma maua ai le maliliega autasi a atumotu o le Pasefika, i le fua faatatau e manaomia mo suega a le fanau mo tausaga o le a savalia.
O sui usufuono a le Matagaluega e aofia ai le afioga i le Ofisa Sili o Pulega, Aeau Chris Hazelman, o le Susuga ia Merenaite M. Afele, ma Aloiafi Maalo.
