E toe tasi le vaiaso o loo totoe ona faamaea lea o le polokalame poo aoaoga o loo faia i Brisbane Ausetalia Douglas Gabb Scholarship
O loo auai ai se tasi o tusitala i Samoa nei mai le alafaasalalau a le Blu Wave mo le 2 vaiaso ma ua iai le fuafuaga e faauma lea polokalame ile aso 23 o le masina lenei.
I le faatalanoaga a le leitio Polenisia ma le susuga ia Nah Folasa na ia saunoa ai o le polokalame lenei e leai se fesootaiga ma le malo e leo faatupea foi e le malo lana malaga.
Ae o le se tasi lenei o polokalame masani a Ausetalia e mo soo se tusitala ma na ia apalai ai ile masina o Mati o le tausaga lenei.
“O le faamoemoe lenei a Ausetalia ua mafua ai ona auai mai ai iinei Brisbane, lea e faaigoaina o le Douglas Gabb Scholarship, sa ou apply ile polokamalea ile masina o Mati o le tausaga lenei 2023,”
“O le polokalame lenei o loo fatupeina e le malo o Ausetalia, ma e leo iai se fesootaiga ma le malo o Samoa, o le polokalame lava ia lea ale malo o Ausetali i tausaga taitasi, e mo atunuu o le Pasefika, aemaise lava o le matata lea o le tusitala ma le aufaaslalau”
“Ina ia mafai ona auai e faalauaitele le malamala, i avanoa nei, pei ona iai le faatusitala male faasalalau, lea la fai paaaga ai le va i fafo a Ausetalia ma le televise tele lava o le ABC”
Saunoa Folasa o se aoaoga ua ia maua mai i le vaiaso e tasi ua mavae ua mafai lea ona ia aoaoina mai, o le faaogaina lea o fesootaiga faneionapo e lipitoti ai news(tala tusia) i se auala faigofie.
Ma o se faamanuiaga mo ia le maua ai o lenei avanoa le aumaua.
