Ole palota mai fafo o tagatanuu Samoa tutoatasi, o loo alala i atunuu mamao, ile palota tele ole 2026, ose laasaga o loo aga’iga’i atu iai tapenapenaga ale faigamalo o tula’i mai nei a le FAST.
Talu o le tasi lena vaega o le kemupeni a le FAST i le 2021 sa lagolagoina e Samoa i fafo.
Peita’i o na tapenaga, e aofia ai le pasia o le faafou atoa o le lola palota, ma le lesitala o suafa i luga o fesootaiga televave e aofia ma Samoa mai fafo.
O le faafouina o lola palota I lona laasaga muamua ua faasopolia ai nei Upolu ma Savaii.
“Ae ua feagai ai nei le ofisa ma le iloiloina o lola o suafa lesitala ua uma ona faatino, a’o lei toe alu lesi taamilosaga lona lua o le lesitalaga tele, ile masina o Fepuari 2025 oo atu ile masina o Oketopa, 2025, a’o lumana’i le palota tele o le 2026. “
Peita’i o isi teuteuga o lena tapenaga mo le palota mai o Samoa i fafo, ua taatia atu ai se pepa tapena ile kapeneta mai le ofisa o faiga palota, pei ona taua e le tatou paaga mai totonu ole kapeneta.
Na ia ta’ua foi, o loo auaua’i mai lava laasaga o le manaoga ole tulafono e faigofie ai ona palota mai Samoa i fafo.
