I le aso na umusa ma faapa’ia ai le tatalaga o le faaopopoga ole malaevaalele I Faleolo mo vaalele ole tatou itulagi.
Na tatou fesiligia le afioga I le Minisita o le malaevaalele ma galuega tetele, Olo Afoa Fiti Vaai, i se faamaoni o faasalalauga a le pepa faatatau ile totogiina o le Fiji Air e tu sona vaa I le malae ile aso na tatala ai.
Saunoa Olo, sa mananao kamupani na tusia le ata ma le inisinia ina ua uma manuia le galuega, e aumai se vaa lapoa e tu I le malae vaalele ile taimi ole sauniga tatala.
Peitai na tali atu iai, o loo iai vaa a le Samoa Airways, ae na taunuu lava le manaoga o kamupani na fauina le malae fou, ma la totogi le vaa, ia latou lava tupe,
“E lelei le faasa’o atu I le taimi lenei. O le regional terminal , sa iai le talosaga a kamupani na tusia le ata ma Inisiniaina le galuega.
“Pe mafai ona iai se 737 e tatalaina le terminal.
Peita’I o loo iai vaa a le Samoa Air, ae sa latou talosaga e totogi e latou (le vaalele lapoa).”
“Ua i ou lima lisiti e $140,000 na charter mai ai la’ua le vaa.
“O fanau ia e ana kamupani, o alo o Samoa.
O lisiti na aumai ile Fiji airways, e ta’I $70,000 na totogi e le kamupani e tasi.”
Ua fetaui le mae’a o lea tapenaga ile malaevaalele ma le taunuu mai o vaatetele ile taligamalo ua faia nei a Samoa.
