O le tausaga fou lea ua faamaonia mai e le Matagaluega o Leoleo ma falepuipui, e taunuu mai ai le isi vaa fou le Nafanua III, a le Matagaluega e puipuia le gataifale ma tuaoi o le sami Saunoa le sui Komesina le afioga ia Papalii Monalisa Tiai Keti o lenei vaa e tusa lona tau aofai ma le $30miliona (SAT) ma o loo taula nei i le Austal Shipyard i Henderson, Ausetalia i Sisifo lea na fausia ai.
O le vaa fou olea aumai olea suitulaga i le Nafanua II lea na fa’ameaalofa mai mo Samoae le Malo o Ausetalia i lalo o le Polokalama o Puipuiga o le Gataifale a le Pasefika.
Peitai na malaga atu ai Leoleo ile faalavelave faafuasei i Salelologa ma paulia ai ile uafu i Salelologa ile tausaga e 2021.
Faamaonia foi e Papaplii, ua filifilia foi nisi e malaga atu ia Setema mo aoaoga ina ia mautinoa le faamasani i le faaaogaina o le vaa a o lei folau mai i Samoa.
Saunoa foi le sui Komesina “O se tulaga lelei tele le toe iai o se vaa a leoleo mo le puipuiga o le gataifale ma le puipuiga o tuaoi o le sami o Samoa” O le Nafanua III o le a nafa foi ma le sailia, mataituina ma le tali atu i faigafaiva ma le puipuiga
