Sauni le Samoa Airways e toe fa’afoi pasese o tagata na totogi i le taimi o le Koviti19.
O loo faatali mai pea le Kamupani Vaalele a le Samoa airways mo le mamalu lautele o le atunuu. Na totogi o latou pasese i le vaitaimi tonu na tapunia uma ai femalagaiga ona o le faamai o le Koviti19 mai le tausaga e 2019- 2021.
Ina ia toe o atu e faia talosaga mo le toe faafoiina mai o a latou tupe na totogi ai o latou pasese, ae lei mafai ona faataunuuina ni malaga talu mafuaaga ua taua i luga.
Peitai ua faatulaga mai foi e le Samoa Airways le aso 31 o le masina o Tesema o le tausaga nei e faamuta ai loa le toe tuuina atu o tusi talosaga mo le toe refund poo le toe faafoi mai o tupe.
Ae ua faailoa mai foi mo le fia malamalama atili o loo avanoa lava lo latou ofisa autu i le fale o le Metotisi i Matafele.
