O loo avanoa pea le nofoa o le Faamasino o maliu lilo, Coroner pei ona saunoa le Faamasino Sili o le Matagaluega o Faamasinoga, Chief Justice Perese, ile sauniga na amata aloaia ai ana galuega ile vaiaso talu ai.
Na atagia ile saunoaga a le afioga ile Faamasino Sili, e le na’o le Faamasino o maliu lilo o loo mana’omia ona faatumu le avanoa.
O loo iai foi avanoa mo nisi faamasino, ile Itu ole faamasinoga o Fanua ma Suafa, faapea le Faamasinoga Faaitumalo.
Ma o le’a sei taga’i iai le pulega pei ona ia saunoa.
Peita’i o le’a toe iloilo auala sa tai’ala ai le Komisi mai taimi o taitai fono le Faamasino Sili talu ai.
Ma e le faigofie foi le tofiga ose faamasino, i faaeteetega ole tutoatasi o lana faaiuga fai ae ole matagaluega.
