O aga masani ai lava a le au lakapi a le Manu Samoa, a’o lei masii e avatu iai faamanuiaga a le atunuu, ma ona faaulu, aemaise o le Afioga i le Ao Mamalu o le Malo, Afioga Tuimalealiʻifano Vaʻaletoʻa Sualauvi II,: pei foi ona faatino ai ile vaiaso lenei.
O le aso 8 Setema e amatalia ai lakapi faitaulia, o le ipu o le lalolagi 2023, e talimalo ai le malo o Falani i Europa, e oo lava i le aso 28 o Oketopa.
I lipoti mai Falani e iva malae o le’a faatino ai taaloga ole ipu, ma ose taimi muamua foi lea ua faia i Falani taaloga lakapi o le ipu o le lalolagi.
Lea e 20 au ua agava’a mo le Rugby World Cup.
Ma o na au ua vaevae i pool e fa ae ta’itoa lima au i le pool, peita’i tala faasolo o lea taaloga, o Niusila lava ma Aferika i Saute sa fetogia’i ai le ipu, i faamaumauga, o le 2007 South Africa 15–6
2011 New Zealand 8–7
2015 New Zealand 34–17
2019 South Africa 32–12
O le faaauau ai pea ona agavaa o le Manu Samoa, ua ose tasi o mitamitaga ile afioga i le Ao o le Malo, ma lana faamanuiaga, a’o lei tuua le atunuu e le ‘au.
