21 Ianuari,2025 Samoa: Ole fa’ailo Ao o se tasi lea o polokalame a le Matagaluega o Aoga ma Aganuu, o loo faatinoina e faatalatalanoa ai polokalame e tau ile aoaoga a fanau.
O lea polokalama na fesiligia ai le mataupu lea o loo tupu ma ua tutupu I totonu o aoga a le Atunuu.
E pei ole taumafai atu o Matua e su’e se avanoa o alo ma fanau aoga na aooga toe nonofo ao lea ua manao e toe faaae lana tama.
Peitai, e le talia e le puleaoga mai aoga lea faafitauli.
Na saunoa manino ai le Afioga Faasootauloa Levusi Levi ole Ofisa Sinia vaega o Faafoega o aoga e faamanino le faafitauli lenei ua aliae mai I totonu o aoga a le Atunuu.
INSERT “O le tele ia o mataupu faapenei e aliae mai, fiu e faatonu fanau aoga sa aooga muamua toe nonofo a lea ua mananao matua e toe ave ile aoga, peitai e faatonu atu fanau ae le talia e puleaoga o aoga I totonu ole atunuu.
O lea faafitauli o loo tupu I totonu o aoga tulagalua faapea foi kolisi maualuluga.
Tusa Pe lua, tolu vaiaso e lei toe ae atu fanau, ave pea tamaiti ile aoga, e oo foi matua ia ua le mananao e toe ave fanau ile aoga ona o leai o se pili, ole fautua a le Matagaluega ave pea fanau ile aoga.”
Ole tuualalo a le Afioga ia Savea Pai Levi ole Asiasi aoga foi lea ole Itumalo o Anoamaa muamua.
INSERT “Puleaoga e, faiaoga e, faamolemole poo lea se faafitauli o loo otou feagai ma mataupu faanei o loo iai le asiasiaoga e gafa ma Mataupu faapenei, aua ole tulafono ole tulafono ae a faapea e taliseu se taumafai a le asiasiaoga, o lona uiga o lea oo mai loa lea mataupu ile matagaluega o Aoga ma Aganuu”
