8 Ianuari 2025 Samoa: Ua tapunia ai nei le uafu faavaomalo, le uafu autu i Matautu ile aso se ia iai se taimi e toe logo mai ai, fua lava ile tala o le tau.
Na faamaonia mai e le Susuga ile ofisa sili o le pulega o uafu, Tofa a Sooalo Kuresa ina ua tatou fesiligia,
“ ua afua ona tapuni le uafu ona o faaeteetega mo le saogalemu o vaa taunuu, mai, ma vaa sa taula ai ile uafu. ole masani lava e lutaluta loa le tau ile taulaga vaa o Apia, e ave uma lava vaa tetele i fafo atu o le taulaga vaa e taula ai mo le saogalemu.
Ma ole tulaga foi lena ua iai ile taimi nei.
Mai le ofisa vaai tau ile aso e oo atu I le 3-4mita le maualuluga o galu, peita’i o saunoa Sooalo, e le fua ise maualuluga o galu, le taimi e tapuni ai le uafu.
E fua ile saogalemu o vaa ae o soifua o tagata.
Na ia taua foi, e iai foi vaa sa fuafua e taunuu mai i le taulaga ile vaiaso nei, peita’i, ua latou iloa lava tulaga ua iai le uafu i Matautu.
E le’o iloa se umi e tapuni ai le uafu, peitai o saunoa Sooalo, ua faasolo ina feololo ifo lava auma ile gataifale ole taulaga vaa i Matautu.
