Ua faasee atu ai nei ile Matagaluega o Leoleo ma Falepuipui le mataupu a le Matagaluega o Galuega faatatau ile tasi o ana tagata faigaluega pasi fale.
Ole tali mai lea a le Sui Komesina ole Matagaluega o Leoleo ma Falepuipui , Auapaau Logoitino Filipo, ina ua fesiligia e le Leitio Polenisia i le faasologa o lea mataupu.
O le faaletonu lea na tupu ina ua toe tuliloa atu e le aiga e ana se galuega , faapea ua oo i le $5afe tala le tupu na la totogi mo le pemita fale e na’o le $300.
E lei mafai ona tali mai le sui Komesina o Leoleo i isi a tatou fesili . Peita’i ile tali a le Minsita ole Matagaluega o Galuega, Olo Afoa Fiti Vaai , o loo faamalolo le tumau ai le alii ofisa ao faasolo suesuega.
Ae i suesuega faalelotoifale a le Matagaluega na masalomia ai le teu auaua’i e le aiga lea o vaega tupe i le tusitupe a le Pasi fale, ma oo atu ai ina faitau afe tala, ae na’o le 300 le tau o le pemita fale.
Na ta’ua foi ole taunuuga o suesugea ua faia, e fua iai le faaiuga fai, ao faamalolo le tumau ai le o tuuaia.
