Ua avatu ai e le faamasino ole Faamasinoga Maualuga, Justice Clark le avanoa i Loia a le afioaga o Afega ma le L.T. C, Land and Titles Court, e avane ai ni a latou tali ile vaiaso fou.
Faatatau ile Talosaga ale afioaga o Leauvaa. o le mataupu lea tau i laueleele ua uma ona faia le faaiuga e le Faamasinnoga o Fanua ma Suafa. Ma amata ai galuega a Afega i fanua o loo fina mai pea Leauvaa, o latou eleele.
Peita’i ua toe avatu ai nei e Leauvaa le mataupu ile Faamasinoga Maualuga, ona e manatu Leauvaa, e solitulafono le faaiuga a le Faamasinoga o Fanua ma Suafa.
Peita’i o loo fesiligia ai nei le agavaa ona toe fofogaina o lea talosaga iloilo ile faamasinoga maualuga, talu suiga na faia ile tulafono o Fanua ma Suafa ile 2020.
Ole talosaga finau a alii ma faipule o Leauvaa ile faamasinoga Maualuga, ia faaleaogaina le faaiuga a le L.T.C ona e solitulafono.
