Ole SVSG lea ua avea ma sui o Samoa ile LLI, Life Line International, e fesoasoani i tagata ua leai ni faamoemoe ile olaga nei, ma iai lagona ole fia oti.
I faamaumauga o tagata faapea ile lalolagi, na tumau ai lava Samoa i lea faafitauli, aemaise ole vaega talavou.
Ile faamatalaga faalauaitele mai le pulega ole SVSG Samoa Victim Support Group, na siitia ai lava le aofa’i o pule ile ola i Samoa, i totonu ole 20 tausaga ua tuana’i, ole evalesi average ile lalolagi. Ole 2019, ole Global average o pule ile ola, sa 9.49 ole 100,000 tagata, ae o Samoa na iai ile 12.6 ile 100,000.
O na faamaumauga na iloa ai o alii e oo atu ile 18 mai le 100,000, maualuga ai nai lo le 6.7 ile selau afe o tama’ita’i, i faamaumauga a le World 2022.
Peita’i i faamaumauga a le SVSG i lana laina laveai mai le 2022 ile 2023, na siitia ai tagata sa taumafai e pule i ola mai le 10% ile 15%, aemaise o talavou, 18 – 35 tausaga le matutua.
Mafuaaga taatele o sauaga i lagona, o aafiaga i va faaleuo, ae ole sauaina lava e iai le fia pule o tagata i ola.
Ole laina laveai a le SVSG e vili fua, i soo se telefoni, 24 itula fitu aso, ua fai ma toomaga o tagata Samoa.
Ile avea ai ma sui ole LLI, ua le pine ai galuega faamisiona e aoaoina ai le aufaigaluega a le SVSG, e tali atu i faafitauli. E silia ile 200 life lines i totonu ole 31 faalapotopotoga mai atunuu e 21, ole lalolagi oloo galulue faatasi e foia lea faafitauli ole fia pule ile ola.
Ma saunoa ai Peresitene, Siliniu Lina Chang, ole tatalo faifaatasi lea a le SVSG ma tagata o lenei misiona, ia faasaoina soifua o tagata, ma faamanatu mai ai le laina laveai i Samoa, lea 800-7874.
