Ua faaleaogaina a nei e le faamasinoga toe iloilo, poo le Appeal Court , le nofoa ole faipule faaopopo ole FAST ma le itumalo o Anoamaa 2 ile Palemene, lea na seei mai ai le afioga a Toomata Nora Leota.
Ua afua le toe faaleaoga o le nofoa faaopopo olea itumalo, poo lesi nofoa tamaitai ile Pelemene, ose taunuuga lenei o le tagi a faipule tamaitai e toalua a le HRPP, o Faagasealii Sapoa Feagia’i ma Aliimalemanu Alofa Tuuau, faasaga i le auala na ofi ane lesi tamaitai i totonu, poo Toomata Nora.
Ole 10 pasene lava lenei o nofoa e 51 o le Palemene o Samoa, e saili iai nofoa e lima o tamaitai, ae na uma ane le palota tele o atoa le to’alima.
Ia Fiame Naomi Mataafa, Mulipola Anarosa, Matamua Vasati o le FAST, ma le toalua ale HRPP, ia Kika Stowers ma Leota Tima Leavai.
Peita’i na leai Leota ma avanoa ai loa le fili maiga o se isi nofoa tamaitai faaaoga ai le 10 % i luga o le faavae.
Le finauga o lena10 % i le faamasinoga, na uma ane ua le tasi pei lua ae ua tolu. Na ofi mai ai le toalua faipule tamaitai a le HRPP, ae tasi le FAST. Ma oo atu ai ile fitu nofoa ole Paeaiga o iai nei a le Palemene lona 17.
O le vaiaso talu ai na toe vaili ai e le Faamasinoga o Apili le tagi a faipule faaopopo a le HRPP, faasaga ile nofoa tamaitai o le FAST, ma talia ai nei e le Faamasinoga o Apili le tagi.
Ua faaleaogaina a nei le nofoa o Toomata Nora Leota ile Maota.
