E 113 tina ma tamaitai ua faau’u ma laisene mai le LTA

SHARE NOW

Ua fa’au’uina ai ma le fiafia tina ma tamaitai e toa 113 lea na faamanuia ina i avanoa mo aoaoga maua fua ai laisene mai le LTA ma o loo faatupe lea e le Faletupe o le lalolagi.

O nei avanoa na faasilasila mai i le masina o Aperila ma amata resitiala ai tamaitai na muamua lava, ma amata ai loa poloakalame poo aoaoga i le masina o Mati.

Ma e na o tamaitai lava na faaautu ai lenei foi polokalame taua Peitai o le aso la lea ua faailoa mai ai e le LTA o lea faauu ai loa tamaitai nei e toa 100 ma tau aao ai loa a latou laisene maua fua.

Ina ua maea le 4 vaiaso sa faagasolo ai aoaoaga ma polokalame faa le ave taavale, I le saunoaga a le Ofisa Sili o le Pulega o Felauaiga le susuga ia Galumalemana Taatialeoitiiti Tutuvanu i le laueleele na ia faafetaia ai le taumafai o nei tina ina ia ausia ma faamalieina taiala o aoaoga sa faatino ua mafai ai ona faaiu ma maua le laisene.

“O le taua foi o lenei polokalame, ua mafai ai e tina ma tamaitai o loo sauaina i totonu o aiga, ma soo se mea lava o loo sauaina ai ona solo ese mai le nofoaga o loo sauaina ai, aua ua maua le laisene e fealuai ai luga o le auala i soo se taimi.”

Ae o le agaga fiafia foi lea i tina ma tamaitai ua mafai ona maua fua o latou laisene mai le LTA na faatupe e le faletupe o le lalolagi, aua o nisi o i latou sa feoai ma le popole ma le solitulafono i luga o le auala e aunoa ma se laisene ave taavale.

Peitai o le maua ai o nei laisene o se laasaga taua foi lea o latou olaga, ma e faaauau ai pea lenei polokalame. E mai le toa 100 lea e 25 tamaitai mai Savaii ae toa 75 tamaitai i Upolu nei.