E 186 le aofaiga atoa o alo ma fanau mai Vasega valu poo Year 8 o A’oga Tulaga lua ua maua avanoa e Ao’oga ai le Kolisi o Samoa i le tausaga fou 2023.
Ua molimauina mai le tatou pa’aga taunuuga o suega, mai le to’a 933 o le aofaiga atoa o tamaiti tausaga valu na resitala mo le suega ulufale i le Kolisi o Samoa, e na’o le 186 na manuia.
O le 186 na o fanau ua maua avanoa e aooga ai le Kolisi o Samoa i le tausga fou, e mai A’oga Tulaga lua e 41, pei o, Aele Fou Primary School, Afega, Ah Mu Academic, Aleisa, All Saints, Apia Primary, Faleasiu, Falefitu, Falelatai,Faleula, Fasitoo, Le Amoa o Savavau Primary School, Lepea, Maagiagi, Marist Brother Mulivai, Manumalo Baptism School, Manumalo Salelologa, Matautu & Gagaifo Primary, Moataa, Nofoalii, Peace Chapel, Pesega, Robert Louis School, Salelologa Primary, Samoa Primary, ma isi aoga e atoa iai le 41 o A’oga ua saofaga atu latou fanau mo le Kolisi o Samoa 2023.
Na amata lesitala mo le suega ulufale i le Kolisi le masina o Novema le aso 11, e $20tala le resitala mo le tamaititi e toatasi, ma na filifili lava e le aoga latou fanau e auai mo lea suega.
E na’o le tasi lava le aso na faatino ai le suega o le aso Faraile aso 25 lea o Novema, na faia i le lotoa o le Laumua o le Kolisi o Samoa.
O le Kolisi o Samoa e ao’oga fua le vasega 9 ma le vasega 10 e aunoa ma se pili A’oga, sei vagana ai le $40tala o le resitala i le amataga o le tausaga, ae o le vasega 10 agai le vasega 13, e $60tala e totogi i le kuata o le pili A’oga foi lena.
O le tau fa’ai’ui’uga lava o le masina o Novema o tausga uma, e faatino ai suega ulufale ia a le Kolisi o Samoa mo A’oga Tulaga lua uma poo Primary Schools.
O lea suega ulufale e mo na’o fanau o loo ave le vasega faaiu poo le Year 8 i Primary School uma o Savaii ma Upolu oloo fia ao’oga i le Kolisi o Samoa.
Ma o lea ua faagasolo nei ona totogi le 40tala o le resitala o fanau e toa 186 ua maua avanoa e ao’oga ai le kolisi i le masina fou, ma faamautu ai o latou avanoa seia oo i le aso Faraile, aso 9 o le masina nei o Tesema.
