E 5 moliaga o le faipule o le itumalo o Salega 1

SHARE NOW

E lima moliaga ole alii faipule ia Fepulea’i Fasavalu Faimata Su’a  ose taunuuga o le sueseuga a leoleo e sootaga uma lava ile maliu lilo ole alii aoga ole NUS, ia Tuuau Maletino.

O ananafi lea na molimauina ai le oo atu ole faipule, ile ofisa o leoleo, peita’i e tasi le itula na taofia ai ae toe tatala i tua.

Mai le tatou sooupu i totonu, ua molia le faipule, sa avea foi ma Minisita lagolago ole Matagaluega o leoleo, i masaloga e sootaga i le faia oni taupulepulega, faasolitulafono.

Peita’i o maitauina, i le moliaga a leoleo, ile faia oni taupulepulega, o le’a tatou tuliloaina poo ai isi tagata o aafia ai i le taupulepulega.

Lea ua taua mai totonu e sootaga i povi lea na molimau Samuelu sa ia faataua mai se fai lafu povi i Siumu.

O le afioga ile faipule, a’o avea ai ma sui Minisita o le Matagaluega o leoleo, e sosoo lava o la potu, ofisa ma le Minisita o Leoleo, afioga a Faualo Harry Schuster.

O molimauina o le va lena sa faatino ai galuega i le faiga o faamatalaga a tagata sa la’u atu i luga.

Peita’i, o maitauina, ole faagasologa lava lea ua faia nei, e faasolo atu ai ina toe lalaga ane ai i luga leoleo, ua faamalolo e le Komesina, talu o la sootaga ile mataupu lava lea ile maliu o Tuuau ma le faiga o sueseuga.