E leo muta lava le alu atu i totonu o solo meaalofa ae o tupe e le i lalo ifo o le afe tala e tau aao atu faalapotopotoga ae o Ekalesia mo le Toomaga mo e puapuagatia ma le Apitaga o le faamoemoe ina ua latou iloa le taua o le latou galuega o loo fai.
Na maitauina ai foi le vaiaso ua mavae na taulimaina ai e le Peresiteine o le Toomaga ia Siliniu Lina Chang ma le aufaigaluega le tino i tupe e $5,000.
Na ofo ina atu lea e le susuga i le faafeagaiga ia Rev Tavaga ma le faletua ia Masenuu Talani ma le Eklesia a le Faith City mai Ausetalia.
E aofia ai ma le container na faatumulia i soo se ituaiga oloa, e pei o momi, o lavalava, ieafu, ae o soo se ituaiga meaai mo le tausiga o alo ma fanau o loo sapi atu i le Toomaga.
Saunoa le peresiteine o le Toomaga e leo se taimi muamua lea ua afea ai e lea auauna le Toomaga ma se meaaloga e ofo atu e tusa pe laititi pe tele ae o loo iai lona sao mo le Toomaga i taimi e oo mai ai i Samoa.
O le loto faafetai a le susuga ia Siliniu Lina ma le Toomaga ina ua maofa i le maau tele na foai e lea auauna a le Atua mo alo ma fanau sauaina o loo i aao o le Toomaga mo e Puapuagatia.
