E 60 aoga i Upolu ma Savaii ua faamanuiaina i meafaigaluega e faatino ai atinae o togalaauaina i totonu o latou aoga.
O le afioga i le Minisita o Aoga Taaloga ma Aganuu, Afioga ia Seuula Ioane na saunoa faafetai i lenei faamaite ua taulamua iai le matagaluega i lenei vaitau aemaise ole o gatasi ma le manulauti o le faamanatuina o le 60 tausaga o le Tutotasi o le malo Samoa i lenei tausaga.
Saunoa foi le faauluuluga o lenei poloketi le susuga Perenise Stowers o lenei faamanuiaga na tolopo mai lava i le amataga o le tausaga ina ua aafia Samoa i le Koviti 19.
Ua tufatufaina atu nei meafaigaluega i aoga ua fililfilia ma o le taimi foi lenei ile tausaga fou o le a faia ai le laugatogi mo aoga ua tulagaese la latou atinae e tusa o lenei poloketi.
