21 Ianuari, 2025 Samoa: Ua tali manino le Afioga ia Laauli ile mafuaga ua ala ai ona aofia ile mataupu ole maliu o Tuuau Maletino 17 tausaga le matua ole alii Iunivesite na maliu ile 2021.
O lea mataupu ua savalia nei ile 4 tausaga ona tulituli pea ele mamalu ole atunuu lona amiotonu poo fea ua fai iai.
Ile feiloaiga a le vasega o tusitala ma le vaega faaupufai ole faatuatua ile Leatua Samoa ua tasi na fesiligia ai e le tamaitai tusitala le mafuaga ua ala ai ona ia aafia ile case lenei a lenei alo mai Falelauniu.
INSERT: “O Tuuau o lou aiga I Falelatai, ile aiga Faasavalu, aua sa ou faatali I se tali lelei o lea mataupu e leai se mea na maua, lona lua ua tuuai maua ma vaele e Tuilaepa o maua na maliu ai Tuuau Maletino.
Mafuaga lea o lou lavea ai I lea mataupu, ona sau lea o Samuelu Sua ma faamatala mai mea uma, ou te lei fesiligia Samuelu Sua, aua oute le iloa lea tagata e Igoa ia Sam.
Ole mafuaga lea na faatino ai loa le suesueega ma sa ou fesili ai ia Lio Faataumalama e na te faatino lea suesuega, ina ua maea lea suesueega maua lea o molimau ona ou alu lea momoli I au loia.
Fautuaina loa au e ave I leoleo aua o lea ua lava a matou molimau, peitai na avatu ile matagaluega o leoleo a matou molimau, ao lea ua molia ai matou”. Saunoaga a Laauli Leuatea Fossie Schmidt ile feiloaiga ma Tusitala ma le au faasalalau ile aso Gafua aso 20 Ianuari 2025.
O lea mataupu ole maliu o Tuuau Maletino, tasi lea o mataupu o loo tulituli pea ele atunuu, lea lava na iu na tusi mai matua o lea alo ile Tamaitai Palemia, peitai na faalia e le Faipule ia Ale Vena Ale, e leai ma se galuega na faia ai, ae ua leva ona mananao le aiga I se tali sa’o I lea lava mataupu.