E aoga uma nei galuega o tapena mo le tineia o sauaga i Samoa?

SHARE NOW
E tusa o le 30 tamalii faiupu o afioaga ma sui e to’a 10 o le Tomaga mo e Puapuagatia, Samoa Victim Support Group Representatives i nuu, sa fili mai le tausaga e 2020 e faia suesuega, na faaigoa i le “E le Saua le Alofa”. Oi latou o ta’ua i luga na faatasia uma ise aoaoga na faia ile vaiaso nei i le potu fono ole Faletupe o Atina’e i Apia.
O le auga, ina ia o latou maua le tomai e faafoe ai le Samoa Village Survey, poo le “Suesuega o le Soifua o nuu i Samoa”.
Na faatonutonu lea aoaoga, lua aso, e le tamaita’i palagi, Dr Jenevieve Mannel, ma fesoasoani iai le aufaigaluega a le SVSG.
O le suesuega poo le survey, o lesi laasaga lea o le suesuega fa tausaga, o mata’itu ai le sao o afioaga i Samoa ile puipuiga o sauaga faasaga i tamaitai. Ma o loo taulamua ai i lenei suesuega, le vasega o tagata su’esu’e ole University College i Lonetona i Peretania tele.
I le faapaaga ma le Univesite o Samoa, NUS, ma faatino e le SVSG Toomaga mo e Puapuagatia.
O le auga la o le aoaoga ile vaiaso lenei, mo tagata faiupu mai totonu o nuu:
  1. ia latou iloa le aoga o le suesuega, ma auala e aumai ai tagata i totonu ole suesuegafai ma le taua ole galuega.
  2. Faataitaiga ole suesuega pei o le tomai faaonaponei o faaaoga, ma le lona
  3. O le faia ose auivi poo se ata o gafea e faatino ai le suesuega, ma pe faapefea ona maua se faatanaga i nuu poo aiga.
E uma ane le aoaoga, ua silafia e sui o nuu, ole suesuega e fesoasoani ai ile SVSG ma ana paaga, ia malamalama pe iai se aoga pe leai i totonu o le 10 nuu ua fili, e galulue ai mo lesi tausaga oi luma.
Ole mau tuliloa o nei galuega faatino uma, o le faaititia lea o sauaga faasaga i tamaitai.
O le ala lena, ina ia mafai ona iloa po’o aoga nei galuega o loo faatino ile faaititia o sauaga, e tatau lava ona  malamalama i ituaiga soifuaga o soifua ai fafine ma tamaloloa, ile taimi a’o le’i faia galuega faatino , ma le tuana’i ai o lena taimi, ia iloa ai poo iai ni suiga.
Na a’oa’oina foi tagata faiupu o nuu, e muamua ona faata’ita’i ia latou le suesuega, faaoga ai latou tablets poo telefoni feavea’i.
Ole itu mata’ina lea , ile eueu male tosoga o tamailima o le au faiupu i luga o latou tablets ma telefoni.
Ole suesuega lea o gafa ma tagata ofisa o Fainumera faamaumau a Samoa poo le Samoa Bureau of Statistics. Ae o le tiute o le au faiupu o nuu na auai ile aoaoga, ole aoao mai lea o tagata e fesiligia i le suesuega, ae o nofoaga ma se faatanaga e faatino ai le galuega i nuu.
Saunoa le Peresetene ole SVSG, Siliniu Lina Chang: “ao faagasolo ai le tausaga lona tolu o lenei suesuega,  ole faiga lea ise suiga, ole faalauaitele ona faatalanoa oni fo’ia poo fofo, o sauaga faasaga i tamaitai, ole faa Samoa lava ia lena.
“Faamalo ai ile 30 ole au su’esu’e a le SVSG, i lo latou mata’alia e oo mai ile aso, ma ose mitamitaga foi lea ole pulega. Ma faatalofa aloa’ia atu ai foi ile tamaitai foma’i Dr Jenevieve, ua avea ai nei ose tasi o auaiga o le Toomaga mo e Puapuagatia, e nate silafia ai foi le faagasologa o le poloketi ma lona taunuuga.”