O le amanaia ai o Tina i le masina lenei o Mati, ua aloa’ia faalevaomalo, lea na ta aofa’i ai e le Minisita o tina ma tamaitai, Mulipola Ale Molioo, tina ma tamaitai uma o Samoa.
O le 1975, na amata fa’amamalu ai e Malo Aufa’atasi, ma faaautu ai le Aso a Samoa, ile “E au le ina’ilau a tamaitai.”
I totonu o le Ta’iala mo le Lumana’i Manuia o Samoa, a le faigamalo a le FAST, o loo faataua ai tina ma tamaitai, – ina ia maua le nofo lelei ma nofo fealofani, saogalemu ma saoloto tagata uma.
Ae ole taua foi ole sao o Samoa ile Feagaiga Faava o Malo o le Tafiesea o Faiga Faailoga tagata e fa’asaga i tina ma tama’ita’i (poo le CEDAW), na sainia i le tausaga e 1994.
I le vaaiga lautele, e 43.1 pasene o tagata faigaluega, ua faamauina o tama’ita’i.
E matele lava tamaitai i galuega faaofisa, ole vaega o a’oa’oga, o soifua malōlōina ma galuega tau tupe. o loo fa’amauina foi o le 2021, sai ile 43 pasene avanoa tau pulega o galulue ai tamamitai. Faamasinoga 22 pasene o tamaitai ile 2019.
Matai tamaitai, tusa o ole 22 pasene ole aofai o matai lesitala, ae na’o le 44 pasene e auai i saofaiga a nuu. I le palemene o Samoa ile taimi nei, e 6 faipule tamaita’i e aofia a ma le Palemia.
O se lu’i lea mo le tatou atunu’u, ia amanaia o avanoa tutusa, aemaise o le unaia o avanoa mo tina ma tamaitai pei ona saunoa le Mulipola.
