Ole taeao ananafi lea na feiloai ai Soa Komiti oloo gafa ma le tulaga ua taoto iai tapenaga a Samoa mo lana taligamalo ile fonotaga tele a Ta’ita’i o malo ole taupulega ile masina fou.
Lea na faailoa manino mai ai e le Pule Sili ole STA poo le pulega o Tagata Tafafao Maimoa mai Fafo ia Toleafoa Pativaine Petaia Tevita fuafuaga mamao ua vaai iai le latou ia vaega i lenei faamoemoe lea ua faitau vaiaso.
E 4 faletalimalo tetele lea ua taofia uma e le pulega olea avea ma nofoaga olea api ai taitai uma ia olea malaga mai mo lenei fonotaga tele e faatino.
E aofia ai le faletalimalo a le Taumeasina Island Resort, ole Sheraton i Vaisigano, Aggie Grey i Mulifanua ae faapea ai ma le Return to Paradise o nofoaga tetele nei lea ua assign ma faatatitia e nonofo ai i latou nei.
Ona ole tulaga ole lelei atoatoa, latalata i nofoaga e faatino ai le fono, ae le gata ai i lea ole tele ole fale e mafai ai ona nonofo faatasi ai i latou nei olea malaga mai i lea fonotaga tele ia Oketopa.
Mafua nei vaega ona o manaoga o taitai ia olea malaga mai ia mafai ona latou nonofo faatasi se faletalimalo se tasi e faa-faigofie ai a latou talanoaga e faatatau lea jle fonotaga le fono.
Na ia faailoa mai foi ua nao Tumua nei lea ua mae’a foi ona filifilia e le komiti olea faatinoina ai le fonotaga le malo o Samoa e leai se fonotaga e faatinoina i Puleono ole tulaga ile mamao o femalagaiga poo le mamao foi ole vaega mo le fono.
