3 Tesema 2024 O le fa ai lenei o tausaga talu ona faatali Afega ile latou feiloaiga ma le afioaga o Leauvaa.
Ole feiloaiga lea ma Leauvaa, na oo ane ai matai o Leauvaa ile afioaga o Afega e logo mose feiloaiga ma talia lelei e Afega, le manaoga, ma faatalitali ai loa se feiloaiga ile va faale matai, tausi nuu o afioaga e lua.
O loo manatua foi e le tofa a Maulolo le taimi ma le aso na avatu ai le latou maliega i matai o Leauvaa na oo ane e fia feiloa’i ma latou. Peita’i e oo mai nei, e le’i oo ane lava Leauvaa e faia le latou feiloaiga ile va fealoa’i ma Afega pei ona ulua’i oo ane ai ona matai mose feiloaiga.
Insert: “Nao le tausaga e 2020 na oo mai ai le savali a Leauvaa, ma talosaga mai mo se feiloaiga, ma talia ai loa, peitai e oo mai lava ile aso matou fiu e faatali, ae ole mea sili ona leaga sei toe sau se isi Savali e toe faamalie mai ua le oo ona omai.” Saunoaga a le Faipule Afioga Maulolo.
O saunoa foi le tofa a Maulolo, o le faipule o le itumalo, o mataupu faapea iai foi upu ole tatou agaifanua ma le ava fatafata i fesagaiga a ni itu. Ae pau tulaga lea o loo vaai atu iai Afega o tala faalele i luga o fesootaiga televave.
E ui ina talitonu Afega, ole vaitau o aso fiafia e ao ona tausi le filemu,
Peita’i e uma ane le feiloaiga ma tusitala ile aso ananafi, ua latou faamanino, e le taofia le latou galuega o faatino ile latou fanua, e faaauau lava.
O galuega pei ona tatou molimauina sa faatino ile faaiuga o le vaiaso talu ai, e aofia ai le sua o lua uumi i auala taavale a aiga, e aofia ai ma le malumalu, e faigata ai ona toe oso ai ni tagata ae o taavale.
O fanua o loo faatino ai na galuega a Afega, e talitonu alii ma faipule o le afioaga, o fanua lava na o Afega o loo i fafo mai o laueleele na avatu le faatanaga ia Leauvaa e nonofo ai, ma taua e le faipule, ua sopo mai i fafo le faato’a ma le nofoia a Leauvaa, ae silia I le 30 pasene o laueleele na avatu iai e le’o faaaogaina.
