O le siitia ole tau o pasese na afua ai faitioga mai le faipule o le itumalo o le Man’uatele Alumamalu Ale Filoalii, ma ia tuuaia e le talafeagai ma leai ni mafuaaga o ia ituaiga o pasese a le SAmoa Airways, mo tagata o loo malaga i Manu’a.
Peita’i o lena faasea a le faipule o le Manu’atele ile Samoa Airways, na afua ai se tali atu iai a le
Minisita o le kamuupani Vaalele a Samoa, Susuga Leatinuu Wayne Sooialo. Na tamua le tali atu a le Minisita a Samoa ile faamaluluga ile faipule mai Manu’a.
Peita’i o saunoa Leatinuu, e tele tau ua faaopopo i le auaunaga lea mai Tutuila i Manu’a.
E mana’omia foi e le ofisa Vaalele ona faatupe na auaunaga, aua a le faia e le mafai ele Vaalele ona faaauau le tautua ole feaveaia lea o tagata. I tala i luga o le Talanei mai Tutuila, o pasese ia pei ona ta’ua ele Minisita, e aofia ai le fuel, totogi o le aufaigaluega, o le lisi i Tafuna ma le tau o le tulaueleele ma le alu ese.
E le mafai ona faia e le kamupani vaalele na auaunaga, aua e gau ai. Na ia ta’ua foi ile Talanei, ana iloa e le Kamupani vaalele o lana tautua lea e fai, e afua ai le gau, lona uiga ole mea moni lava sa le tatau ona faaauau lea foi auaunaga.
Ae talitonu le Minista ole tulaga masani lava ia i kamupani vaalele i le lalolagi.
