E faatauto i le aso le Peresetene fou o Fanua ma Suafa

Ua sosolo lava i luga ole laina ma le tulafono fufuaga a le malo , FAST aemaise ai ole suiga fou ua tula’i mai i lenei vaiaso ma lenei masina fou.

I le aloaia ai lea o suiga i luga o le Tulafono faaavae o Samoa, mo lana Faamasinoga o Fanua ma Suafa mai le 1981 i le 2020.
Ole Suiga fou lea, ua aofia ai le faatautoina o le Peresetene fou ole Faamasinoga o Fanua ma Suafa, Afioga Lesatele Rapi Vaai.
Ina ua faamalieina itu uma i ala ole Tulafono Faavae, e aofia ai le fautuaga a le Afioga i le Palemia, ile Ao Mamalu o le Malo Samoa.

O le tulafono fou lava lea o le 2020 ua na faaleaogaina le tofiga Peresetene sa umia e le Susuga Fepulea’i Ropati Atila.
E ui ina sa taumafai Fepulea’i e finau ane, peita’i ua see le vaa ole pulega o le malo fou a le FAST, lea ua faatino ai faatautoga i le Aso o lana Peresetene , fou.

Ma saunoa le afioga i le Minisita ole Faamaisnoga ina ua tatou fesiligia, Afioga a Matamua Vasati.

Ua mae’a ona toe faafoi ane le taavale ale Faamasinoga o Fanua ma Suafa. Vagana ai ki o le ofisa, e le’i uma ane. Ma ua manatu ai e tatau ona sui ki o le ofisa.

Peita’i ole saunoaga a le afioga i le Palemia Fiame Naomi Mataafa ile vaiaso nei, e faalauiloa ia le tofiga o le Peresetene fou, na ia avatu ai le faafetai tele ile sao o Fepulea’i, i lona ia foi taimi na tula’i mai ai tofiga.

Ole Faamasinoga o Fanua ma Suafa, ma ona suiga ua iai nei, o le’a vave ai ona tofia ni ana faamasino, ma faasolo loa matupu tuua a aiga o taatitia talu ona taofia le tumau e le tulafono na faia iai suesuega faapitoa.

O le 9 i le taeao o le aso, le faatautoga aloaia ole afioga ile Perestene fou o le Famaasinoga o Fanua ma Suafa, Lesatele Rapi Vaai.

Pei ona saunoa le afioga i le Palemia, Fiame Naomi Mataafa: “O luita’u i le suiga mai o le tulafono o Fanua ma Suafa 1981, agai mai i le tulafono fou, 2020, o loo manino ona aulape, ma e mulimulitaia ai le tofiga o le Persetene ma Faamasino  o Fanua ma Suafa.

O le tofia ai o le afioga a Lesatele Rapi Vaai, o se filifiliga ua talafeagai.”